Aguja de Pondiellos (3.011m)

       Ya ye rematando lo estiu e ista añada as montanyeras de Artieda encara no ébanos puyáu ta dengún tresmil, asinas que o domingo 6 d´Octubre, decidimo-nos-ne por l´Aguja de Pondiellos, que como totz os mons de Panticosa, se puede fer en o diya.

        A o prencipio, la ideya yera fer tamién o Garmo Negro, chusto dezaga, pero plegáu l´inte no lo veyimos esclatero y preferimos tornar-nos enta baxo ta almorzar.

A puyada prencipió a las hueito y meya en o Balneario de Panticosa, ista vegada con dos montanyeros nuevos (en iste blog, que no nuevos en o mon), Mirta y Rafica.

Prestos ta puyar

       A puyada prencipia por a sombra pero en menos d´una hora surtimos t´o sol y femos un ature tecnico ta quitarnos una mica de ropa y beber aigua.

Amaneixendo sobre os nuestros tozuelos

L´única marmota que veyimos

Surtindo dos pins

       A puyada ye cereña y a belún le cuesta prencipiar. Asinas que femos bel-atro ature ta chuntar-nos y aprofeitamos ta minchar chocolate y echar-nos crema.

Trango a trango imos dixando o balneario y os autos baxo os nuestros pietz

       En plegar a o colláu de Pondiellos, veyemos os ibons d´o mesmo nombre y os mons d´Os Infiernos, l´Arnales y o Pico Pondiellos.

Ibons de Pondiellos

Totz en o colláu

Güeyada enta Os Infiernos con a marmolera de fren (aunque veyiús dende a cresta)

       A partir d´iste puesto a puyada se fa más vertical si cabe y prencipia con una chaminera que puya enta la cresta que nos lebará ta la cima.

Güeyada d´a chaminera dende abaxo

Kike presto ta puyar-la

Serchio y Mir surtindo y luen, de zaga, o colláu

       Prencipiamos a crestear y ye astí an o camín dixa de estar esclatero y nos toca improvisar. Ye prou aereo asinas que nos lo tomamos con calma pero sin aturar un inte.

Cresteando

Impresionant güeyada ta lo sur

Güeyada ta lo norte, completament vertical dica os ibons

       Dimpués de crestear meya horeta, plegamos ta la cima de l´Aguja de Pondiellos, con 3.011 metros. Dende asti se veye o nuestro venién ochetivo, O Garmo Negro. Pero como somos prou esclatáus, con fambre y antiparti no lo veyemos del todo esclatero, a o cabo decidimos baxar por an hemos puyáu.

Totz a la nuestra bola en a cima

¡¡Os montanyers d´Artieda han puyáu un-atro tresmil!! ¡YESA NO!

Güeyada d´o Garmo Negro dende L´Aguja

       A baxada  t´o colláu no tiene guaire dificultad, pero paramos cuenta de no echarnos pierdas os uns a os altres. 

       En 40mins i somos y prencipia a preparación de l´almuerzo. No bi ha documentos graficos que l´amuestren pero si que en tenemos una foto d´o cocinero ta que os faigatz una ideya de qué palo vamos.

Sí, sí. He dito cocinero: “O Chicote de Panticosa”, lo claman...

       Dimpués de una hora de almuerzo bien merexiu, imos baxando bien fartos t´os autos.

As mesachas dimpues d´almorzar

Polida foto. Cadagún baxando a o nuestro ritmo

Beluns fendo o craba

Belatras disfrutando d´o paisache

       A las 16:30, y dimpués de hueito horas por o mon, plegamos t´o balneario.

Asti, como ye costumbre, femos una jarra de biera bien fresca en a terraza d´a casa de piedra y disfrutamos d´ixa incredible sensación d´haber aprofeitau o diya d´a millor traza posible.

Israel fendo os suyos particulars “”“estiramientos”” (noten-se as comillas)

Remeranza que i dixaron as mesachas de ZEK en o refuchio.
Ista dentrada va ta ellas: ¡Entalto ixas corrikalaris!
;)

Dica altra, ¡¡YESA NO!!